News

მოგვეხსენება, რომ ზაფხული და აუტანელი სიცხე სინონიმებია, მაგრამ სახლის პირობებში მაინც, მარტივად შეგვიძლია ეს მყარი ურთიერთობა გავწყვიტოთ. ამ საპასუხისმგებლო საქმისთვის ვენტილატორი ყველაზე ოპტიმალური ვარიანტია. ყველაზე ოპტიმალური აღვნიშნეთ იმიტომ, რომ სხვა საშუალებაც არსებობს - კონდიციონერი, მაგრამ მისი მომსახურება ძვირი სიამოვნებაა და ბევრი მნიშვნელოვანი ფაქტორია გასათვალისწინებელი, სანამ ჩვენ საცხოვრებელ ბინას, სამუშაო სივრცეს, ან ნებისმიერ სხვა ადგილს სწორ პროდუქტს მოვარგებთ. დღეს, ტექნოლოგიების ძალიან სწრაფი ტემპით განვითარების პირობებში, მარტივი მოწყობილობებიც კი დიდი არჩევანით გვხვდება ბაზარზე, რაც ხშირად არჩევის პროცესს გვირთულებს და დიდი დრო გვჭირდება იმაზე ჩამოსაყალიბებლად, თუ რომელი გამაგრილებელი ვენტილატორი შევიძინოთ. ბლოგში ვისაუბრებთ რატომაა ვენტილატორი ერთ-ერთი ყველაზე სასურველი საზაფხულო ტექნიკა.

ასევე, სხვადასხვა ტიპებისა და მოდელების მთავარ უპირატესობებს მიმოვიხილავთ. აქ წარმოდგენილი ინფორმაცია საშუალებას მოგცემთ თქვენს მოთხოვნილებებზე მორგებული ნაწარმი დიდი ფიქრის გარეშე შეიძინოთ.

მაგიდის ვენტილატორი

მოდი დავიწყოთ ამ მინი ვენტილატორით და ვნახოთ, რა განაპირობებს ასეთ პოპულარობას. ბიუჯეტურობა და სიმარტივე  ერთ-ერთი მთავარი უპირატესობაა, მაგრამ სხვა ღირსებებიც არ დავუკარგოთ.

ბევრი  სხვადასხვა სიტუაცია არსებობს, რომელსაც მაგიდის ვენტილატორი იდეალურად ერგება. მაგალითად, სამუშაო ოფისში, სადაც კედლის კონდიციონერი თქვენამდე ვერ აღწევს. მთელი დღე არც თუ ისე კომფორტულ გარემოში ჯდომა და მუშაობა არავისთვისაა სასურველი. თქვენ შეგიძლიათ საკუთარ მოთხოვნილებებს მოარგოთ მაგიდის აპარატი და მაქსიმალურად მისაღები პირობები შეიქმნათ.

რეალურად, ეს მოწყობილობა იდეალური ვარიანტია მაშინ, როცა გაგრილება ესაჭიროება მცირე რაოდენობის ადამიანებს, განსაკუთრებით ეფექტურია ერთი ადამიანის მოსამსახურებლად.

რა უნდა გავითვალისწინოთ შეძენისას:

1. ზომა. ვახსენეთ სამუშაო სივრცე და ეცადეთ რაც შეიძლება მცირე ზომის აირჩიოთ, რათა თქვენი მაგიდა მთლიანად ტექნიკას არ ჰქონდეს ოკუპირებული. ვინაიდან, მხოლოდ თქვენს გაგრილებაზეა ორიენტირებული, სიძლიერეზე არ გაამახვილოთ დიდი ყურადღება, მძლავრი აპარატის საჭიროება არაა.
2. წონა. როგორც წესი, მინი ვენტილატორები ხშირად იცვლიან ადგილს მაგიდაზე, ან ოთახში იმ სივრცეს ერგებიან, სადაც თქვენ ისურვებთ რომ დრო გაატაროთ. შესაბამისად, ზომის არ იყოს, წონაც მინიმალური უნდა ჰქონდეს.
3. მუშაობის რეჟიმი. მაგიდის ვენტილატორის სასურველი სიმძლავრე დამოკიდებულია წელიწადის დროზე, ან დღის პერიოდზე, როდესაც მას იყენებთ. ამის გათვალისწინებით, მრავალმა ექსპერტმა აღნიშნა, რომ რაც უფრო მეტი სიჩქარის პარამეტრები აქვს მაგიდის ვენტილატორს, მით უფრო იდეალური ჰაერის პირობებში ცხოვრობს მომხმარებელი.

დასადგამი ვენტილატორი

უკვე მიმოვიხილეთ მაგიდის აპარატი და ვახსენეთ ისიც, რომ საუკეთესო გადაწყვეტაა, როცა ერთ ადამიანს ჭირდება გაგრილება. დასადგამი ვენტილატორი მზადაა უფრო ფართო მოთხოვნილებები დააკმაყოფილოს.

1. პორტატულობა.

დასადგამი აპარატის ერთ-ერთი მთავარი უპირატესობა ისაა, რომ თავისუფლად შეგიძლიათ გადააადგილოთ ნებისმიერ ადგილას. ჭერისა და კედლის ვენტილატორისგან განსხვავებით, ერთი ოთახიდან მეორეში ენერგიის მინიმალური დანახარჯით გადაიტანთ. შესაბამისად, არ გჭირდებათ, რომ ყველა ოთახს საკუთარი აპარატი ჰქონდეს.

ასევე, საკუთარი სადგამის გამო აივანზე და ტერასაზე ზაფხულის ცხელ საღამოებში მოსვენებას ერთი-ორად სასიამოვნოს გახდის.

 2.მარტივი დასაყენებელი და მოსავლელია.

სულ მცირე ჩართულობით თქვენს ბინაში გამართული ტექნიკა დაიდგმება. დიდი კოლეგის - კონდიციონერისგან განსხვავებით, დასამონტაჟებლად არ მოითხოვს პროფესიონალების ჩართულობას. უბრალო კონსტრუქციაა განაპირობებს იმასაც, რომ ნაწილების სისტემატურად გამოცვლა/მიხედვა საერთოდ არაა საჭირო.

 3.ვენტილატორის ფასები.

მორიგი მნიშვნელოვანი ღირსება ხელმისაწვდომობაა. მიდეაში ვენტილატორები იაფად შეგიძლიათ შეიძინოთ და მისაღებ ფასთან ერთად აქ მაღალი ხარისხი გარანტირებულია.

მიდეას პროდუქტს აქვს 3 სიჩქარე: სტანდარტული დაბერვა, ბუნებრივი დაბერვა და ძილის რეჟიმი. მოდელი FS40-21 მნიშვნელოვანი მახასიათებლებით გამოირჩევა. სიმძლავრე 40W არის, ხოლო ვოლტაჟი 220-240V/50Hz. ხმაურის მაქსიმალური დონე 62 დეციბელია და წონა მხოლოდ 3 კილოგრამია, რაც მის გადაადგილებას ნებისმიერ ოთახში გაგიადვილებთ.

როგორც უკვე ზემოთ აღვნიშნეთ, დამონტაჟების ფასებს ცალკე ზოგავთ. ასევე, კონდიციონერისგან განსხვავებით ბევრად ნაკლებ ენერგიას მოიხმარს და თვის ბოლო ელექტროენერგიის გადასახადი ბევრად ნაკლები იქნება.

მრავალი დიზაინითაა წარმოდგენილი.

უამრავი დიზაინისა და ფერის ნაწარმი შეგხვდებათ, საიდანაც აუცილებლად აარჩევთ ისეთს, რომელიც ზუსტად მოუხდება თქვენს ოთახს და ჩაჯდება საერთო სტილში.

ვენტილატორი პულტით.

ზოგადად ამ ტექნიკის მთავარი იდეაა რომ ადამიანები კომფორტში ვიყოთ. იაფად, მინიმალური ჩარევით ვგრილდებოდეთ და სასურველია, თუ ეს ყველაფერი სიჩქარის დისტანციურად შეცვლით მოხდება.

მიდეაში ნახავთ თანამედროვე ფუნქციებით შეიარაღებულ პროდუქციას და აქ ვენტილატორის ყიდვა ხარისხიანი და სანდო ტექნიკის შეძენის ტოლფასია.

მოდელი FS40-21MRB, როგორც მისი წინამორბედი 3 სამუშაო რეჟიმითაა გამორჩეული:  ბუნებრივი დაბერვა, სტანდარტული დაბერვა და ძილის რეჟიმი.

რაც მთავარია, მაქვს აქვს სენსორული და დისტანციური მართვა.

ვენტილატორი ის პროდუქტია, რომელიც პრობლემას ძალიან სწრაფად გადაგაწყვეტინებთ და რაც მთავარია იაფად.

მიდეა კი ზუსტად ის ადგილია, სადაც ნახავთ მაღალი ხარისხის, უახლეს და ყველაზე ჭკვიან ტექნოლოგიებს, რომლებიც ხელმისაწვდომობით გამოირჩევიან.