News

დღეს კონდიციონერის ყიდვა პრობლემას არ წარმოადგენს. ტექნიკის მაღაზიებში მრავალფეროვანი ასორტიმენტია, მაგრამ, ხშირად, ასეთი სიმრავლე სწორ არჩევანს გვირთულებს. სწორი არჩევანი კი იმას ნიშნავს, ბინაში კომფორტი შეგვიქმნას, ელექტროენერგია არ „ჭამოს“ და მისი ხშირად შეკეთებაც არ მოგვიხდეს.

მაინც, რას უნდა მივაქციოთ ყურადღება კონდიციონერის შეძენისას?

ოთახის ფართობი: შენაძენის გასაკეთებლად, პირველ რიგში, ოთახის ფართობი უნდა გქონდეთ მხედველობაში. არსებობს ფართობის და კონდიციონერის სიმძლავრის შეფარდების ასეთი მარტივი ფორმულა: მოწყობილობის 100 ვტ სიმძლავრე საკმარისია 1კვ მეტრისთვის. მაგალითად, 20 კვ.მ. ოთახისთვის დაგჭირდებათ 2 კვტ სიმძლავრე.

(იმისთვის, რომ ზუსტად განსაზღვროთ საჭირო სიმძლავრე, გამოიყენეთ ჩვენი BTU კალკულატორი). 

კონდიციონერის ასეთი მაჩვენებელი ტექნიკურ აღწერილობაში ხშირად არის ხოლმე მითითებული, თუმცა სპეციალისტები გვირჩევენ, რომ შემოთავაზებულ პარამეტრებზე ცოტა მძლავრი მოდელი შევარჩიოთ.  ამით ტექნიკის საექსპლუატაციო ვადაც გაიზრდება და ოთახში კომფორტული ტემპერატურაც უფრო სწრაფ დროში მიიღწევა. 

გარდა ოთახის ფართობისა, ასევე აუცილებლად უნდა გაითვალისწინოთ, დგას თუ არა ოთახში საყოფაცხოვრებო ტექნიკა (მაცივარი, ტელევიზორი). ასევე, არანაკლებ მნიშვნელოვანია, რამდენ ხანს ადგება მზე იმ ოთახს, სადაც კონდიციონერი უნდა დამონტაჟდეს და ისიც, თუ რამდენი ადამიანია გროვდება ოთახში (ეს მაჩვენებელია აქტუალურია, ძირითადად, ოფისების, მაღაზიების და სხვა საზოგადოებრივი სივრცეებისთვის).

რაოდენობა

წესით, ერთი კონდიციონერი ერთი ოთახისთვის არის განკუთვნილი, მაგრამ თუკი თქვენ გსურთ, ერთი სისტემით მთელი სახლი გააგრილოთ, მაღალი სიმძლავრის აპარატი დაგჭირდებათ. თუმცა ტემპერატურის ცვალებადობას მაინც ვერ ასცდებით, რადგან ტემპერატურული სენსორი იმუშავებს. ალტერნატიული ვარიანტია მულტი-სპლიტ სისტემის დაყენება - როცა ერთ გარე ბლოკს რამდენიმე შიდა ბლოკი უერთდება.

კონდიციონერის ტიპი 

ტექნიკის რომელ ტიპს შეარჩევთ: სპლიტ-სისტემას, დასადგამ კონდიციონერს თუ პორტატულს ეს დამოკიდებულია ფართის თავისებურებასა და ასევე თქვენს ბიუჯეტზე. 

პორტატული კონდიციონერი (იგივე წყლის კონდიციონერი ან მობილური კონდიციონერი):

ასეთ მოწყობილობას არ სჭირდება მონტაჟი; შეგიძლიათ მისი გადაადგილება ოთახიდან ოთახში; აქვს ჰაერის იონიზაციის და წმენდის ფუნქციები და იაფია. თუმცა, უნდა აღინიშნოს, რომ წყლის კონდიციონერს აქვს მთელი რიგი უარყოფითი მხარეები. მაგალითად: ხმაურიანია, მოითხოვს წყლის კონტეინერის პერიოდულად დაცლას, სადაც წყალი კონდენსაციის შედეგად გროვდება. აქვს დაბალი სიმძლავრე - მხოლოდ 4 კილოვატი და, შესაბამისად, მეტ ელექტროენერგიას მოიხმარს.

კედლის სპლიტ-სისტემა

დღეს სწორედ კედლის სპლიტ-სისტემებია ყველაზე პოპულარული და საუკეთესო კონდიციონერები. სპლიტ-სისტემებს არანაირი დამატებითი მომსახურება არ სჭირდება. სპლიტ-სისტემის კონდიციონერი მაგრდება კედელზე და ოთახში არ იკავებს ადგილს. ფაქტობრივად, უხმაუროა და მაღალი სიმძლავრე აქვს. რეკომენდებულია წელიწადში ერთხელ მხოლოდ ფილტრის შეცვლა, რათა ბაქტერიები არ დაგროვდეს.

ფასიც, რა თქმა უნდა, პორტატული მოდელის ფასზე მაღალია.

 კოლონური სპლიტ-სისტემა

კოლონური ტიპის, იგივე, იატაკის კონდიციონერი, გათვალისწინებულია დიდი ფართობისთვის - 250-300 კვ.მ.; მასაც ორი ბლოკი აქვს - გარე სტანდარტული და შიდა - იატაკზე დასადგმელი, ამიტომ ოთახში მოითხოვს ადგილს. კოლონურ კონდიციონერს დიდი სიმძლავრე და დიდი წარმადობა აქვს, ამიტომ იშვიათად ყიდულობენ საცხოვრებელი სახლისთვის. ხოლო იატაკისა საუკეთესო გადაწყვეტილებაა ადმინისტრაციული, საზოგადოებრივი თუ სამრეწველო შენობებისთვის. ხარისხთან შესაბამისად, მას ფასიც მაღალი  აქვს.

კონდიციონერის ხმაურის დონე

ეს ერთ-ერთი მნიშვნელოვანი მაჩვენებელია, რომელსაც ყურადღება უნდა მიაქციოთ ნებისმიერი საყოფაცხოვრებო ტექნიკის შერჩევისას - მათ შორის, კონდიციონერებზეც. ხმაურის დონე განსაკუთრებით საყურადღებოა იმ შემთხვევაში, როცა მას საძინებელი ოთახისთვის ყიდულობთ. თანამედროვე მოწყობილობებში ხმაურის დონე, საშუალოდ, 20 დეციბელია - ასეთია ხმადაბალი ჩურჩული, რომელიც 1,5 მეტრის მანძილიდან გესმით. 

გათბობის ფუნქცია

ოთახის გათბობის ფუნქცია სპლიტ სისტემების ბევრ მოდელს აქვს. როცა ამ ფუნქციით სარგებლობას დააპირებთ ყურადღება მიაქციეთ კონკრეტული მოწყობილობის მონაცემებს: მოდელების უმეტესობას გათბობის ფუნქცია გათვალისწინებული აქვს ჰაერის ტემპერტურაზე -50 С -დან 00 С -მდე. არსებობს ძვირად ღირებული მოდელები, რომლებიც გათბობის რეჟიმში -150 С ტემპერატურაზეც მუშაობს.

არ შეიძლება კონდიციონერით ოთახის გათბობა, თუკი გარეთ იმაზე დაბალი ტემპერატურაა, რაც მოწყობილობის ტექნიკურ პარამეტრებშია მითითებული. დაბალი ტემპერატურის პირობებში გარე ბლოკის კომპრესორი იყინება და ამუშავებისას შეიძლება გატყდეს. მისი შეცვლა კი ხშირად იგივე ფასი ჯდება, რაც სრულიად ახალი მოდელი.

ინვენტორული კონდიციონერები

მოწყობილობაში ამგვარი სისტემის არსებობა ელექტროენერგიის მოხმარებას 40-60%-ით ამცირებს. მართალია, ინვენტორული სისტემის მოდელის ფასი საგრძნობლად მეტია, მაგრამ დროთა განმავლობაში დიდ შეღავათს მოგცემთ და, საბოლოოდ, გაცილებით მოგებული დარჩებით, ვიდრე ყიდვისას ერთჯერადად თანხის დაზოგვით. 

კონდიციონერის მონტაჟი

მონტაჟზე ეკონომიის გაკეთება და კონდიციონერის საკუთარი ხელით დაყენება არ ღირს (თუ, რა თქმა უნდა, თავად არ ხართ ამ სფეროს სპეციალისტი).

როცა ამ სამუშაოს სამონტაჟო ბრიგადა ასრულებს, ის პასუხისმგებლობასაც იღებს და კლიმატური ტექნიკის გამართულ მუშაობაზე, საშუალოდ, ერთწლიან გარანტიასაც გაძლევთ.