მედია

25 ივლისი 2022

რატომ და როდის უნდა გამოვცვალოთ მტვერსასრუტი

სახლის დალაგება ის ყოველდღიური რუტინაა, რასაც თავს ვერ დავაღწევთ. საბედნიეროდ, ბევრი ხელსაწყო და ტექნიკის პროდუქტი გვეხმარება ჩვენი სივრცის დასუფთავებაში და  მტვერსასრუტი ერთ-ერთი ასეთი გამორჩეული დამხმარეა. რა თქმა უნდა, ჩვენი ჩართულობის გარეშე არაფერი გამოვა, მაგრამ სწორი არჩევანის გაკეთების შემთხვევაში, დალაგების პროცესი ბევრად გამარტივდება და მალე მოგვარდება.

 

ბევრი ფაქტორია გასათვალისწინებელი მტვერსასრუტის შერჩევისას და შემდეგ მისი სწორად გამოყენებისთვის. როგორ მოვუაროთ და როდისაა რეკომენდებული მტვერსასრუტის გამოცვლა.  ხშირად ადამიანები ვერ ელევიან ძველ მტვერსასრუტს, რომელიც უკვე დიდი ხანია ნორმალურად ვეღარ წმენდს და საშინელ ხმას გამოსცემს. უხარისხო მომსახურებასთან ერთად, მან შეიძლება ჯანმრთელობის პრობლემაც გამოიწვიოს. ყველა ამ და სხვა მნიშვნელოვან საკითხს ბლოგში მიმოვიხილავთ.

 

სად გამოიგონეს მტვერსასრუტი - მოკლე ისტორია

 

თანამედროვე ვარიანტის სულ პირველი ვერსია - ხელის მტვერსასრუტი, რეალურად ხალიჩის საწმენდი იყო და ის 1860 წელს აიოვას მკვიდრმა დენიელ ჰესმა გამოიგონა.

 

1901 წელს ბრიტანელმა ინჟინერმა, Hubert Cecil Booth-მა მიიღო პირველი პატენტი. მას ჰქონდა დიდი, ცხენებით სატარებელი, ბენზინზე მომუშავე ერთეული, რომელიც გაჩერებული იყო შენობის გარეთ და ფანჯრებში გატარებული გრძელი შლანგებით წმენდდა შიდა ტერიტორიას.

 

მანამდე მტვერსასრუტები აფრქვევდნენ მტვერს, მაგრამ ბუტს გაუჩნდა იდეა -  მის აპარატს, სხვაგან გაფრქვევის მაგივრად, მტვერი შეესრუტა. გარდა ამისა, ბუტმა თავისი გამოგონება აღჭურვა ფილტრით, რომელიც მტვერს მანქანაში ინახავდა. ყველა თანამედროვე მტვერსასრუტი ეფუძნება ამ ადამიანის გამოგონების პრინციპს.

 

 

როდისა არის საჭირო მტვერსასრუტის გამოცვლა

 

 

მიდეას მტვერსასრუტი MGE13A

ამ მოწყობილობას ფაქტობრივად ერთი ამოცანა აქვს: ჭუჭყისა და ნარჩენების შესრუტვა. თუ ამ საქმეს შესაბამისად ვეღარ ასრულებს, სანამ გამოცვლაზე იფიქრებთ, შეამოწმეთ შემდეგი რამ:

 

  1. დარწმუნდით, რომ მილები არ არის ჩაკეტილი. არის შანსი რომ ძალიან დანაგვიანებულია მილები და მათი გაწმენდა დაგეხმარებათ.

  2. გაასუფთავეთ ან შეცვალეთ ფილტრი. გაჭედილი ფილტრი ზღუდავს ჰაერის ნაკადს, რაც შეიძლება იყოს  შეზღუდული მუშაობის მიზეზი.

  3. ასევე მტვერსასრუტი ხშირად უნდა გაიწმინდოს მთლიანად. ასე რომ, როდესაც ფილტრს ამოწმებთ, თუ ის ჭუჭყიანია, არსებობს შანსი, რომ დანარჩენ ნაწილებსაც გაწმენდა დასჭირდეს. გაგიკვირდებათ, რა შეუძლია ღრმა გაწმენდას.

  4. შეამოწმეთ წამყვანი ღვედი (Drive Belt). წამყვანი ღვედები შეიძლება გაიჭიმოს, გაშრეს, ან დალპეს. მათი გამოცვლა ზოგჯერ არის იაფი და მარტივი გამოსავალი.

 

თუ შემდეგი სარემონტო სამუშაოები არ შველის, ან ზოგადად ძრავს აქვს პრობლემა, ახალ პროდუქტზე გადასვლის დროა. ვინაიდან რამდენიმე წლის მტვერსასრუტის შეკეთება ბევრ ხარჯთანაა დაკავშირებული, ამ დროს შეიძლება ახალი მოდელის ყიდვა გერჩივნოთ.

 

ასევე ხმაური შეიძლება იყოს ცვლილების საჭიროების ნიშანი. სამწუხაროდ, ჩუმი მტვერსასრუტი არ არსებობს, მაგრამ თუ მოგეჩვენათ, რომ ხმაური გადაჭარბებულია, ან ახალი და უცნაური ხმები გესმით, ხშირ შემთხვევაში ეს წინაპირობაა, რომ ახლო მომავალში საერთოდ შეწყვეტს მუშაობას.

 

 

მტვერსასრუტის ძირითადი სახეობები

 

სახლში გამოსაყენებელი მტვერსასრუტების ყველაზე პოპულარულ ტიპებს მიეკუთვნება - ვერტიკალური მტვერსასრუტი, კონტეინერიანი (Canister Vacuums), ჯოხის (Stick Vacuums), ხელის მტვერსასრუტი, რობოტი მტვერსასრუტები და მსგავსი.

 

1. ვერტიკალური მტვერსასრუტი

 

ვერტიკალური მტვერსასრუტი პოპულარული პროდუქტია. განსაკუთრებით მოდელები დამატებითი საწმენდი მილებით, რაც მათ საშუალებას აძლევს გაასუფთაონ როგორც იატაკი, ასევე ამაღლებული ზედაპირები.

 

ის ძირითადად არის სადენიანი, მსუბუქი, მარტივად მანევრირებადი, ენერგოეფექტური, მაგრამ ნაკლები ენერგიით და შემნახველი კონტეინერის გარეშე.

 

2. კონტეინერიანი მტვერსასრუტი

 

მტვერსასრუტები აღჭურვილია კონტეინერით, ბორბლებით, შეწოვის ძრავით, ჰაერის ფილტრებით და  ხშირად ფეხის კონტროლით.

 

ეს ერთ-ერთო ყველაზე გაყიდვადი ნაწარმია და გამოირჩევა ძრავის სიმძლავრით, რომელიც მარტივად უმკლავდება ყველანაირ ჭუჭყს და მუშაობს ნებისმიერ ზედაპირზე.

ვინაიდან მომხმარებელი ატარებს მხოლოდ საწმენდ მილს/ჯოხს, ის ასევე ბევრად ადვილი გამოსაყენებელია.

 

3. რობოტი მტვერსასრუტი

 

რობოტი მტვერსასრუტი არის ერთგვარი ავტონომიური ტექნიკა, რომელიც უმეტესად განკუთვნილია დიდი ფართის იატაკებისთვის.

 

მას ბევრად ნაკლები შეწოვის სიმძლავრე და ფილტრაციის დონე აქვს,  მაგრამ რიგი თვისებები გამორჩეულ შენაძენად აქცევს.

 

  • მარტივი გამოყენება.

  • წარმოუდგენლად ეფექტური.

  • ზოგავს თქვენს დროს.

  • მუშაობს სხვადასხვა ზედაპირებზე.

  • ამოიცნობს ჭუჭყის ყველა დონეს.

  • პატარა, კომპაქტური და ადვილად შესანახი.

  • აჩქარებს სახლის დასუფთავებას.


მიდეას რობორი მტვერსასრუტი M3L

რობოტი მტვერსასრუტი Midea M3L ყველაზე ხელმისაწვდომი პროდუქტია, რომლის შეძენაც ახლავე შეგიძლიათ.

მისი მახასიათებლები შემდეგია:

 

უწყვეტ რეჟიმში მუშაობის დრო : 80-110 წთ

სრულად დამუხტვისთვის საჭირო დრო: 180-240 წთ

მობილური აპლიკაციით მართვა : კი

მაქსიმალური სიმძლავრე: DC - 40W

აკუმულატორის მოცულობა: 2600mah

მტვრის კონტეინერის მოცულობა: 800მლ

 

 

 

რობოტი მტვერსასრუტი M7 PRO კი ყველაზე თანამედროვე მოდელია, რომელიც თქვენც ცხოვრებას ძალიან გაამარტივებს და საცხოვრებელს კი ყოველთვის სუფთა მდგომარეობაში ამყოფებს.

 

 

მიდეას რობოტი მტვერსასრუტი M7 PRO

მიდეას რობოტ მტვერსასრუტს M7 PRO-ს აქვს სენსორის 30 კომპლექტი, შეწოვის ძალა 4000Pa,

ვიბრაციის ფუნქცია - რომლის დახმარებითაც კიდევ უფრო ეფექტურად წმენდს იატაკს.

ავტომატური დატენვის შემდეგ, თავისით დაუბრუნდება მუშაობას და გააგრძელებს იქიდან, სადაც დაასრულა.

ხალიჩის დეტექტორი - ხალიჩაზე გადასვლის შემდეგ, აძლიერებს შეწოვის სიმძლავრეს.

ალაგებს 250 კვ. მ-მდე 110-150 წთ-ში

ფერი : შავი

უწყვეტ რეჟიმში მუშაობის დრო : 110-150 წთ

სრულად დამუხტვისთვის საჭირო დრო: 180-240 წთ

მობილური აპლიკაციით მართვა : კი

მაქსიმალური სიმძლავრე: BLDC - 55W

აკუმულატორის მოცულობა: 5200mah

მტვრის კონტეინერის მოცულობა: 450მლ

 

 

რა გავითვალისწინოთ მტვერსასრუტის შერჩევისას

 

სანამ ახალ მტვერსასრუტს იყიდით, დაუსვით საკუთარ თავს რამდენიმე შეკითხვა:

 

  • სად ცხოვრობთ - კერძო სახლში თუ ბინაში?

  • გჭირდებათ მტვერსასრუტი საცხოვრებელი,  თუ კომერციული გამოყენებისთვის?

  • იატაკის ტიპები - არის თუ არა დაბალი, საშუალო წყობის, მაღალი წყობის ხალიჩები, ფარდაგები, ფილები, ხისტი, ან რამდენიმე მათგანის კომბინაცია?

  • გყავთ შინაური ცხოველები, რამდენი, რა ტიპის ბეწვი აქვთ?

  • გაქვთ რაიმე ალერგია, ან რესპირატორული პრობლემა ოჯახში?

 

ამ ყველა ფაქტორის გათვალისწინებით თქვენ გაგიადვილდებათ შესაბამისი ენერგიისა და ზომის ტექნიკის არჩევა მიდეაში.

 

 

რატომ არის საჭირო ახალი და ხარისხიანი მტვერსასრუტი

 

კანის მილიონობით უჯრედი, ათასობით თმის ღერი, ბაქტერიები, ალერგენები, მტვერი, ქერტლი და სხვა ნაწილაკები  ყოველდღიურად გროვდება ჩვენს სახლში და მათი დასუფთავების აუცილებლობა ყოველთვის არსებობს. დალაგების არც ერთი ფორმა არ არის ისეთი სრულყოფილი და ეფექტური, როგორიც მტვერსასრუტია. დიდი ხნის განმავლობაში, თუ არ დასუფთავდა ჩვენი საცხოვრებელი, მტვერმა და სხვა ნაწილაკებმა შეიძლება გამოიწვიონ მნიშვნელოვანი რესპირატორული და ჯანმრთელობის პრობლემები.

 

სახლის დალაგება ასევე დადებითად აისახება მენტალურ  ჯანმრთელობაზე, რომ აღარაფერი ვთქვათ იმის ყურებაზე, თუ როგორ სწრაფად ხდება ხალიჩა ისევ ლამაზი და სუფთა. ეს ასევე შესანიშნავი ფიზიკური აქტივობაა და ხელს უწყობს მოძრავი და პროდუქტიული გახდეთ.

 

თქვენ ასუფთავებთ თქვენს სახლს რათა თავიდან აიცილოთ მტვერი, ჭუჭყი და ბაქტერიები და დარწმუნდეთ, რომ შიდა სივრცე სუფთა ჰაერით არის გაჟღენთილი.

 

 

თანამედროვე მტვერსასრუტები

მაგრამ ბევრი თანამედროვე კვლევა ცხადყოფს, რომ ზოგიერთი მტვერსასრუტი აფრქვევს წვრილ მტვერს და ბაქტერიებს ჰაერში, საიდანაც მათ შეუძლიათ ინფექციების გავრცელება და ალერგიის გამოწვევა.

 

კვლევამ აჩვენა, რომ ახალმა მტვერსასრუტებმა ბევრად უფრო ნაკლებ მტვერს აფრქვევს ჰაერში, ვიდრე ძველი მოდელები.

 

ახალში იგულისხმება  მტვერსასრუტები  HEPA ფილტრებით. HEPA - "high efficiency particulate air filter”, როგორც ოფიციალურად განსაზღვრულია აშშ-ს ენერგეტიკის დეპარტამენტის მიერ, არის ნაკეციანი მექანიკური ჰაერის ფილტრის ტიპი.

მას შეუძლია ამოიღოს მტვრის, ობის, ბაქტერიების და ნებისმიერი ჰაერის ნაწილაკების მინიმუმ 99,97%, ზომით 0,3 მიკრონი.

 

ტექნოლოგიის დახვეწამ თანამედროვე HEPA-ს ფილტრიანი მტვერსასრუტი ბევრად გამორჩეული გახდა, ვიდრე მათი წინამორბედი მოდელები.

 

 

როგორ მოვუაროთ მტვერსასრუტს და დავზოგოთ ენერგია

 

თქვენი მტვერსასრუტის პერიოდული მოვლა უზრუნველყოფს,  რომ მან იმუშაოს მაქსიმალური შესაძლებლობებით. არასწორად მოვლის შემთხვევაში, არა მხოლოდ ნაკლებ მტვერს შეისრუტავს თვენი მოწყობილობა და მეტ დროს დაუთმობთ სამუშაოს დასრულებას, შეიძლება დაზიანდეს ძრავა, ჯაგრისის ფილტრები და ხალიჩების ზედაპირიც კი.

 

1. შეცვალეთ თქვენი მტვერსასრუტის ქამარი (Vacuum’s Belt)

 

მტვერსასრუტის ქამრების უმეტესობა იჭიმება და ცვდება. ეს იწვევს ჯაგრისის შენელებას, ან ტრიალის საერთოდ შეწყვეტას. ჩვენ გირჩევთ ყოველწლიურად შეცვალოთ ქამარი.

 

2. გაასუფთავეთ ჯაგრისი (Roller Brush)

 

თმები და ბეწვი ეხვევა ჯაგრისს, რაც იწვევს ქამრების დაჭიმვას და ამცირებს ტემპს.

 

3. დროულად შეცვალეთ მტვრის ჩანთა

 

როგორც წესი, ნაგვის ეს ტომარა უნდა შეიცვალოს, როდესაც 70-80%-ით არის სავსე.

 

4. ყოველთვის ეცადეთ რომ ფილტრი სუფთად იყოს

 

ფილტრის ხშირი გაწმენდა აუცილებელია. თუ ისინი ირეცხება, არ დაიზაროთ გარეცხვა.

 

 

მიდეას მტვერსასრუტების უპირატესობები

 

მიუხედავად იმისა, რომ ზოგიერთი მტვერსასრუტის სიმძლავრე 3000W-ზე ადის, თანამედროვე მტვერსასრუტები ბევრად ენერგოეფექტურია. განსაკუთრებით კი ევროპაში, სადაც  ევრო კომისიის მოთხოვნაა ენერგოეფექტური ტექნიკა.

 

ასევე რიგი მიზეზებია, თუ რატომ ხდება მეტი ენერგიის მოხმარება. ხისტი იატაკის გაწმენდა უფრო ადვილია, ვიდრე სქელი ხალიჩის, რომელსაც შეიძლება დასჭირდეს რამდენიმე გავლა და მეტი დრო. ფილტრაციის სისტემა და დამატებითი ფუნქციები, როგორიცაა განათება და სენსორები, გავლენას ახდენს ენერგიის მოხმარებაზე. ბოლო გასათვალისწინებელია, თუ როგორ ინახავთ თქვენს მტვერსასრუტს. ჩაკეტილი ფილტრი და სავსე ჩანთა ამცირებს ეფექტურობას და ზრდის ენერგიის მოხმარებას.

 

მიდეაში, რობოტი მტვერსასრუტის ფართო არჩევანთან ერთად ასევე ხელმისაწვდომი, ენერგოეფექტური და ხარისხიანი სტანდარტული მტვერსასრუტი დაგხვდებათ.

 

ყველა მათგანს თანამედროვე სხვადასხვა ტიპის HEPA ფილტრები უყენია.

 

მტვერსასრუტი MGE16A ერთ-ერთი ყველაზე ხელმისაწვდომი პროდუქტია, რომლის მაქსიმალური სიმძლავრე არის 2000W. მტვრისა და ნაგვის შესანახი კონტეინერი საკმაოდ მოცულობითაა - 3 ლიტრი. მას მოჰყვება 2 ჯაგრისი, ზედაპირისთვის და ასევე კუთხეებისთვის, რომელიც რთულად მისადგომ ადგილებს მარტივად გაწმენდს.

 

 

მიდეას ლურჯი მტვერსასრუტი MGE16A

 

ყველაზე მძლავრი 2400W-იანი მოდელი  არის მტვერსასრუტი MGE18C . მისი ფილტრი F12 HEPA რეცხვადია, რაც მის გამოყენებასა და გასუფთავებას კიდევ უფრო კომფორტულს ხდის. შესრუტვის მეტალის  მილი ტელესკოპურია, ხოლო პროდუქტის მთლიანი წონა მხოლოდ 4.5 კგ. არის. სიძლიერე, თანამედროვე მახასიათებლები და ფასი, მას ერთ-ერთ ყველაზე სასურველ პროდუქტად აქცევს.

 

 

მტვერსასრუტი MGE18C

 

თანამედროვე ტექნიკა დღეს ბევრად დაიხვეწა და გამოასწორა ძველი მოდელების ხარვეზები. დღეს მტვერსასრუტი უფრო ძლიერია, მაგრამ ეს ხელს არ უშლის იყოს ენერგოეფექტური. ახალი ფილტრების დახმარებით ბევრად ნაკლებ მტვერს აფრქვევს ჰაერში და სათანადო მოვლის შემთხვევაში არაერთი წელი იდეალურად მოგემსახურებათ.

 

მიდეას მტვერსასრუტები ყველა ამ აუცილებელ მოთხოვნას აკმაყოფილებენ და  მიდეა ხარისხთან ერთად მომხმარებელს ყველაზე მისაღებ ფასებს სთავაზობს.

 

 

 

სხვა სიახლეები