მედია

21 თებერვალი 2022

როგორ გავწმინდოთ სარეცხი მანქანა

პერიოდულად სარეცხი მანქანის გაწმენდა აუცილებელია, თანაც კომპლექსურად, რათა ჭუჭყიდა ნალექი არ დაგროვდეს, ნესტისა და ობის უსიამოვნო სუნი არ დადგეს და საბოლოოდ საქმე ძვირად ღირებულ რემონტამდე არ მივიდეს. ქვემოთ გაგიზიარებთ რამდენიმე მარტივ ხერხს, სარეცხი მანქანის გამწმენდი საშუალებები კი, რომლებიც აქ დაგჭირდებათ, აუცილოებლად გექნებათ სახლში.

დავიწყოთ ფხვნილის უჯრით გაწმენდით


ფხვნილის უჯრა ამოიღეთ ჭრილიდან და საპნით, ცხელი წყლით დ აძველი კბილის ჯაგრისით გაწმინდეთ.

ობისა და ნალექის მოცილებაში ქლორის შემცველი უნიტაზის საწმენდი დაგეხმარებათ. თუ უჯრა ძალიან ჭუჭყიანია, საწმენდი საშუალებით გაავსეთ და 1-2 საათით დატოვეთ, შემდეგ კი წმენდა გააგრძელეთ.

როგორ გავწმინდოთ სარეცხი მანქანის კარის რეზინა?


მათეთრებელი და თბილი წყალი 1X1 თანაფარდობით აურიეთ, ამ ხსნარში სუფთა ნაჭერი დაასველეთ, რეზინი ფრთხილად გადაწიეთ და ზედაპირი გაწმინდეთ.

ძლიერი დაბინძურების შემთხვევაში, ხსნარში დასველებული ნაჭერი რეზინის ქვეშ ნახევარი საათის განმავლობაში დატოვეთ. ამის შემდეგ ქსოვილი მოაცილეთ და ჭუჭყიანი ზედაპირი ღრუბლითან კბილის ჯაგრისით ფრთხილად გაწმინდეთ.
 
ბარაბნის წმენდა

როგორ გავწმინდოთ სარეცხი მანქანის ბარაბანი?


სარეცხი მანქანის დოლურას გასაწმენდად რამდენიმე საშუალებას შემოგთავაზებთ:

  1. 100 მლ ქლორიანი მათეთრებელი დოლურაში ჩაასხით და სარეცხი მანქანა 60 °C-ზე დაბალ ტემპერატურაზე ჩართეთ. რა თქმა უნდა, სარეცხის გარეშე.
  2. ძალიან ეფექტურია სარეცხი მანქანის გაწმენდა ლიმონის მჟავით - ჩაყარეთ100 გრ. ლიმონმჟავა დოლურაში და მანქანა მაქსიმალურ ტემპერატურაზე ჩართეთ. სასურველია, ორმაგი გავლების რეჟიმი, რადგან ამ შემთხვევაში ნალექი მთლიანად გაქრება.
  3. სარეცხი მანქანის გაწმენდა სოდით და ძმრით: ფხვნილისთვის განკუთვნილ უჯრაში წყალში გახსნილი სოდა ჩაასხით 1X1 თანაფარდობით, თავად დოლურაში კი ცოტაოდენი ( არაუმეტეს 400 მლ) ძმარი ჩაასხით. მანქანა მაქსიმალურ ტემპერატურაზე ჩართეთ. როცა მანქანა მუშაობას დაასრულებს, დოლურა ღრუბლით და სუფთა ნაჭრით გაწმინდეთ. ნადები, ობი და უსიამოვნო სუნი უკვალოდ გაქრება.


როგორ 
გავწმინდოთ სარეცხი მანქანის გამაცხელებელი (ტენი)


წყლის გამაცხელებლიდან ნადების მოცილებაში ისევ ლიმონმჟავა  დაგეხმარებათ. დაახლოებით, 200 ლიმონმჟავა ფხვნილის უჯრაში ჩაყარეთ, 50 გრ. კი დოლურაში და მანქანა მაქსიმალურ ტემპერატურაზე ჩართეთ.

წყლის ნადების მოცილება ძმარმჟავასაც ეფექტურად შეუძლია. ამისთვის საჭიროა, კონდიციონერისთვის განკუთვნილ უჯრაში 50 მლ. ძმარმჟავა ჩაასხათ და მანქანა ჩართოთ. ფრთხილად იყავით - ძმარმჟავამ შეიძლება რეზინის დეტალები დააზიანოს.

სარეცხი მანქანის ფილტრის წმენდა

სარეცხი მანქანის ფილტრის გაწმენდა


ჩვეულებრივ, გადინების ტუმბოს ფილტრი მდებარეობს მანქანის წინა მხარეს, ქვედა ნაწილში.

დააფინეთ იატაკზე მშრალი ტილო და დადგით ტუმბოს ქვეშ ჭურჭელი -  ფილტრის მოხსნისას შეიძლება მანქანაში დარჩენილი წყალი დაიქცეს. ამის შემდეგ მოხსენით ფილტრის თავსახური და საცობი ამოაძვრეთ.

ხელით ამოიღეთ ფილტრში დარჩენილი ნარჩენები. ფილტრის ზედაპირი სარეცხი საშუალებით გაწმინდეთ და გააშრეთ.


როგორ 
გავწმინდოთ სარეცხი მანქანის სანიაღვრე გოფრირებული მილი?


დოლურას სოდითა და ძმრით გაწმენდისას, სანიაღვრე შლანგიც ავტომატურად იწმინდება, მაგრამ სერიოზული დაბინძურებისას დამატებითი ზომების მიღება მოგიწევთ.

გამორთეთ სარეცხი მანქანა ელექტროქსელიდან და გადაკეტეთ წყლის მიწოდება. ამის შემდეგ მოხსენით სანიაღვრე მილი (გაითვალისწინეთ, რომ ამ დროს შეიძლება,წყალი დაიქცეს).

მილის გასაწმენდად გამოიყენეთ სპეციალური კაბელი, ბოლოში პატარა ფუნჯით (ლითონისარა). მილი ჯერ ერთი, შემდეგ მეორე მხრიდან გაწმინდეთ და ბოლოს გამდინარე ცხელი წყლით გარეცხეთ.


როგორ 
გავწმინდოთ ვერტიკალური ჩატვირთვის ტიპის სარეცხი მანქანა?


მანქანის გაწმენდა მაქსიმალურ ტემპერატურაზე ხდება. თავდაპირველად, მანქანაში აავსეთ წყალი, წყალში 2-3 ჭიქა ძმარი ჩაასხით და მანქანა ჩართეთ.

რამდენიმე წუთის შემდეგ დაამატეთ ნახევარი ჭიქა სოდა. როდესაც ეს ორი კომპონენტი რეაქციაში შევა, მოწყობილობა გამორთეთ და,დაახლოებით, ერთი საათი ასე დატოვეთ.

სანამ მანქანა შიგნიდან იწმინდება, შეგიძლიათ მის დანარჩენ ნაწილებზე იზრუნოთ.

შეურიეთ ძმარი და წყალი 1X1 თანაფარდობით და გაწმინდეთ მოწყობილობის ზედაპირი, გაასუფთავეთ ფხვნილის განყოფილება.

ერთი საათის შემდეგ მანქანა ისევ ჩართეთ, რათა რეცხვის და გავლების რეჟიმები დაასრულოს. დაელოდეთ, სანამ მანქანა წყლისგან მთლიანად არ დაიცლება და ღრუბლისა და ნაჭრის დახმარებით კარგად გაამშრალეთ.

ბოლოს კი რამდენიმე რჩევა, რომელიც სარეცხი მანქანის პრობლემებაგარიდებთ თავიდან:


  • რეცხვისას არ გამოიყენოთ ბევრი სარეცხი ფხვნილი, რომელიც შეიძლება მანქანის ნაწილებში დაგროვდეს; 
  • ძალიან დაბინძურებული ტანსაცმელი (მაგ, ტალახიანი) გარეცხვის წინ გაწმინდეთ;
  • გამოიყენეთ ნადების საწინააღმდეგო სპეციალური საშუალებები;
  • რეცხვის შემდეგ მანქანის კარი ღია დატოვეთ -ეს სოკოს წარმოქმნის რისკს შეამცირებს.
  • პერიოდულად, ცარიელი მანქანა მაქსიმალურ ტემპერატურაზე ამუშავეთ - ცხელი წყალი მცირე დაბინძურებებს შესანიშნავად უმკლავდება.


სხვა სიახლეები