მედია

02 დეკემბერი 2021

თანამედროვე სარეცხი მანქანის რეჟიმები

ტანსაცმლის სარეცხი მანქანის ინსტრუქცია, ძირითადად, პროდუქციის მახასიათებლებს და მონტაჟისა და ექსპლუატაციის წესებს გვაცნობს ხოლმე, თუმცა, მომხმარებელს უმეტესწილად  რეჟიმების განმარტება აინტერესებს - მაგალითად, რას აკეთებს ორთქლით რეცხვის რეჟიმი, რას ნიშნავს რეჟიმი ECO - ეკოლოგიურს თუ ეკონომიურს ან რას ნიშნავს მანქანის თვითწმენდა და ა.შ.
დღეს ტანსაცმლის სარეცხი მანქანის დანიშნულება, უბრალოდ, რეცხვა, გავლება და გაწურვა აღარ არის. თანამედროვე მოდელებს ბევრი რეჟიმი და ფუნქცია აქვს, რომელიც, აუცილებლად, დაგჭირდებათ. მოდით, განვიხილოთ რამდენიმე მათგანი.
ანტიბაქტერიული რეცხვა

ორთქლით რეცხვა

ორთქლის რეცხვის რეჟიმის დანიშნულებაა ტანსაცმლის ხარისხიანი დეზინფექცია, რაც მაღალი ტემპერატურით მიიღწევა. ორთქლი კარგად ასუფთავებს ქსოვილს, ამასთან, შესაძლებელია ტემპერატურის რეგულირება, რაც საშუალებას მოგცემთ, რეჟიმი დელიკატური ქსოვილებისთვისაც გამოიყენოთ.
ორთქლის რეცხვის პრინციპი მარტივია: ტანსაცმელი არ სველდება წყლით, ის ორთქლში ეხვევა, რომელიც ღრმად აღწევს ქსოვილში და ეფექტურად აშორებს მიკრობებსა და უსიამოვნო სუნს.
ეს ტექნოლოგია შესანიშნავია ბავშვიანი ოჯახებისთვის და ალერგიული ადამიანებისთვის.
ამასთანავე, ორთქლი ასწორებს  ქსოვილის ნაკეცებს და ამის შემდეგ დაუთოებაც არ სჭირდება ან მარტივად დაუთოვდება.
ამ რეჟიმით ირეცხება  შალიც, აბრეშუმიც, ქურთუკებიც და დელიკატური თეთრეულიც. ეს ფუნქცია, ფაქტობრივად, ქიმწმენდას შეგიცვლით.
შეიძლება, ორთქლით დამუშავებამ გავლების ფუნქციაც შეგისრულოთ. მაგალითად, სარეცხი მანქანის ზოგიერთი მოდელის ორთქლის რეჟიმი ფხვნილის და წყლის მოხმარების გარეშე მუშაობს - ამით ტანსაცმელი სუფთავდება და უსიამოვნო სუნი სცილდება.
სარეცხის მანქანა 8 კგ

რეჟიმი ECO

მაინც, რას უნდა ნიშნავდეს რეცხვის ამგვარი ტიპი - ეკოლოგიურს თუ ეკონომიურს? ასეთი შეკითხვა შეიძლება, ბევრს გაუჩნდეს, რადგან დღეს ეკოლოგიაც და ეკონომიაც სარეცხი მანქანებისთვის აქტუალური თემებია.
სარეცხი მანქანის ECO რეჟიმი - ეს არის ეკონომიის ფუნქცია.
ეკო რეჟიმი, როგორც დასახელებიდანაც ჩანს, მინიმალურად ხარჯავს წყალსაც და ელექტროენერგიასაც. თუ მას რეგულარულად გამოიყენებთ, თვის ბოლოს წყლისა და დენის ქვითრები აღარ შეგაშინებთ.
აქ მხოლოდ ის უნდა გაითვალისწინოთ, რომ ეკო რეჟიმი წყალს მხოლოდ 400-600 ტემპერატურაზე აცხელებს და რეცხვის დროც შედარებით იზრდება. თუმცა დროის ხანგრძლივობა არ მოგაცდენთ, თუკი ღამით რეცხვა გიხდებათ - სანამ თქვენ გძინავთ, სარეცხი ეკონომიურად გაირეცხება.
სარეცხის მანქანა 7 კგ

რეჟიმი თვითწმენდა

ეს სპეციალური ფუნქციაა, რომლის საშუალებითაც სარეცხი მანქანის დოლურა (სარეცხი მანქანის ბარაბანი) იწმინდება ნადებისგან, ობისგან, ცხიმისგან და სხვა ჭუჭყისგან.
სხვათა შორის, ეს ერთ-ერთი მთავარი მიზეზია, რომელსაც შეუძლია სარეცხი მანქანის პრობლემები გამოიწვიოს.
როცა დოლურა სუფთაა, ქსოვილიც უკეთ ირეცხება და მანქანის საექსპლუატაციო ვადაც ხანგრძლივდება. თვითწმენდის რეჟიმის ასამოქმედებლად მხოლოდ მისი ჩართვა დაგჭირდებათ. არსებობს მოდელები, რომლებსაც ცელ-ცალკე ფუნქციებად აქვს ბარაბანის წმენდა და თვითწმენდა.
მანქანა სარეცხის

ანტიბაქტერიული რეჟიმი

სარეცხ ფხვნილზე, მათეთრებელზე, არომატიზატორებზე ალერგია დღეს ბევრი ადამიანის პრობლემაა, მათ შორის - ბავშვებისაც.
ამიტომ მწარმოებლებმა ამ პრობლემის მოგვარებაზეც იზრუნეს. ერთ-ერთი საშუალება ზემოთ აღვწერეთ - ორთქლით რეცხვა, თუმცა თანამედროვე სარეცხ მანქანებს ცალკე ანტიბაქტერიული რეჟიმიც აქვს.
ეს რეჟიმი ითვალისწინებს რეცხვის შედარებით ხანგრძლივ ციკლს და ბევრჯერ გავლებას - მათ შორის, ცხელ (600) წყალშიც. ამით ქსოვილი მასში ჩარჩენილი სარეცხი საშუალების უმცირესი ნაწილაკებიდანაც სუფთავდება. გარდა ამისა, ალერგიული ადამიანებისთვის რეკომენდებულია არა ფხვნილით, არამედ თხევადი გელით რეცხვა, რომლის გავლებაც უფრო მარტივია.
სარეცხი მანქანის რეჟიმები

კიდევ რა ფუნქციებს უნდა მიაქციოთ ყურადღება, როცა სარეცხი მანქანის ყიდვა გსურთ

  • ინვენტორული ძრავი - ტექნიკური ტერმინებით რომ არ დაგღალოთ, ინვენტორიულის განმარტება ორი სიტყვითა ასეთია: მას აქვს მაქსიმალური სიმძლავრე და ელექტროენერგიის მინიმალური ხარჯი. ამასთანავე, ინვენტორული ძრავა უხმაუროდ მუშაობს და საექსპლუატაციო ვადაც გაცილებით ხანგრძლივი აქვს, ვიდრე ჩვეულებრივ ძრავს.
  • რეცხვის მოცულობა - ტანსაცმლის სარეცხი მანქანების რეცხვის მოცულობა, ძირითადად, 4კგ-დან 11 კგ-მდეა. თუმცა მარტოც რომ ცხოვრობდეთ, მაინც უმჯობესია, უფრო დიდი მოცულობის მანქანა შეარჩიოთ - ხომ შეიძლება ფარდების, საბნის, ბალიშების, ქურთუკის და ა.შ. გარეცხვა დაგჭირდეთ. ამიტომ, პატარა ოჯახისთვისაც ჩვენი რეკომენდაციაა, რომ სარეცხი მანქანა 6 კგ მაინც იყოს. დიდი ოჯახებისთვის კი ოქროს შუალედია სარეცხი მაქანა 9კგ; როცა გასარეცხი ტანსაცმლის მოცულობა მცირეა, გამოიყენეთ რეჟიმი „სანახევრო ჩატვირთვა“.
  • წყლის გაჟონვისგან დაცვის სისტემა - თუკი მანქანა წყლის გაჟონვას ან გარეთ შლანგის გახეთქვას დააფიქსირებს, წყვეტს მუშაობას და ამის შესახებ გატყობინებთ - დისპლეიზე შეცდომის კოდი ეწერება.
  • ტანსაცმლის ჩამატება - ეს ფუნქცია საშუალებას გაძლევთ, სარეცხი ჩაამატოთ ნებისმიერ მომენტში მას შემდეგაც, რაც მანქანამ რეცხვის პროცესი დაიწყო. 

სხვა სიახლეები